|
Den gamalnorske spælsaurasen har vore i Noreg
sidan bronsealderen. Det var den einaste sauerasen vi
hadde her i landet fram til slutten av 1800-talet då
vi begynte å importera utanlandske sauerasar.
Langs kysten klarar dyra seg åleine ute heile
året, og vert difor også kalla utegangersau
eller villsau. Vintrane langs kysten er milde med lite
snø, og villsauen finn nok føde i røsslyngen
som er grøn heile året. Tang og tare frå
fjøra er også godt fôr vinterstid.
Å halde villsau krev liten arbeidsinnsats i timar.
Ein treng berre sanke sauene saman eit par gonger i
året. Om sommaren, etter lamming, vert dyra klipte
eller plukka, lamma vert merkte, dei vert sjekka for
skadar, vaksinerte og vegde. Om hausten vert dyr tatt
ut til slakting, vaksinering og veging. |
