|
På
den kulturhistoriske garden dyrker dei bygg og havre.
Tradisjonelt har det vore dyrka mest havre på
Lygra. I dag er det hestane som får havren og
bygget vert brygja til øl. Kornåkrane vert
skore med sigd. Kornet tørkar først på
hesjer, før det vert bunde i nek og satt på
kornstaur. Etter nokre veker med tørking ute,
vert det lagra inne i løa. Ut i november vert
kornet treska. Før treskemaskinane vart vanleg
utover 1800-talet, banka dei kornet frå aksa med
eit reiskap dei kalla tustr. På Lygra har tustren
vore i bruk heilt til byrjinga av 1900-talet. Elevane
får demonstrert og prøvd både treskemaskin
og drøftemaskin. Drøftemakinenen reinser
kornet for agn og rusk.
|
