Forskingsprosjekt på Lygra

Biodiversitet i kystlyngheilandskapet

Biodiversitetsindikatorer for overvåking og forvaltning av biologisk mangfold i bevaringsverdige områder

Prosjektet er ein del av NINA sitt strategiske instituttprogram om arealbruk og landskapsanalyse og vart starta opp i 2001 på øya Lurekalven og Lurøyni. Formålet var å sjå på samanhenger mellom landskapsformer, naturtypar, arter (planter, insekt og fugl) og skjøtselsformer for å gi eit betre grunnlag for forvaltning og bevaring av det biologiske mangfald i kystlyngheilandskapet.

Det vart registret om lag 200 ulike karplantar, 51 mose-, 194 bille-, 11 maur- og 63 fuglearter i det undersøkte området. Ei kopling mellom kartbaserte terrengmodellar, naturtypekart og skjøtselskart utleia frå flyfoto og feltdata har gitt god informasjon om fordeling av arter og naturtypar i landskapet. Fordelinga er avhengig av lokal variasjon i terrengformer og ulike skjøtselsformer som brann, beite og hogst. Brann og beite opprettheld ein mosaikk av naturtypar med eit særskild biologisk mangfald. Talet på naturtypar og artsmangfaldet er størst i skjøtta områder, og ved opphør av skjøtsel går mangfaldet tilbake. Både insekt og planter viser samvariasjon knytta til ulike skjøtselsformer, og det er stor skilnad på fuglefauna i opent kystlyngheilandskap samanlikna med tilgrodde skogareal. Ei god forvalting av det biologiske mangfald må derfor ta omsyn til lokale terrengforhold og bruk av lokale skjøtselsmetodar.

For meir info om prosjektet gå til pdf-fil i prosjektdatabasen til LYNET.